Lesarsørvis – eit felles språk for å strukturera og profesjonalisera rolla vår som formidlarar

Søknad

Rapporter

Tilleggsinformasjon

Mål

Dei siste åra har Lesersørvis som formidlingsmetode blitt omsett frå engelsk og tilpassa norske høve. Me ynskjer gjennom eit halvår å lære alle tilsette i biblioteka i Voss å bruke denne metoden til formidling. Eit tydeleg mål er at me gjennom å ta i bruk metoden for å strukturera og profesjonalisera rolla vår som formidlarar.
Konkrete mål i prosjektet:
– Auka tal på formidlingstiltak. Hentar tal frå eiga statistikkføring.
– Auka tal på lånarar. Hentar ut tal frå biblioteksystem, samanliknar med same periode føregåande år.
– Auka tal på utlån av bøker/ medier me formidler. Måler dette med å hente ut statistikk frå biblioteksystemet.

Beskrivelse

Voss bibliotek ynskjer og har som mål å være nytenkjande i korleis me skal drive aktiv formidling. Me vil gjere dette gjennom å ta i bruk metoden Lesersørvis som vil gje oss eit felles språk og omgrepsapparat. Metoden vil me bruke i all vår formidling for å betre nå fram til alle.

Me knyter prosjektet til Kulturplan for Voss kommune 2015 – 2025 med målet: Biblioteket skal driva aktiv litteratur og kulturformidling og tiltaket: Gje gode leseopplevingar, fremja leselyst og lesedugleik.
Me knyter også prosjektet til den nasjonale bibliotekstrategien: «Målet er videre at folkebibliotek skal bygge erfaringer, kompetanse og teste ut nye metoder for formidling, som på sikt kan inngå i bibliotekenes daglige drift. I et langsiktig perspektiv skal aktiv formidling av bibliotekenes innhold bidra til å styrke bibliotekene som folkeopplysnings- og dannelsesinstitusjoner, samt nå ut til nye brukere.»

Dei siste åra har Lesersørvis som formidlingsmetode blitt omsett frå engelsk og tilpassa norske høve. Me ynskjer gjennom eit halvår å lære alle tilsette i biblioteka i Voss å bruke denne metoden til formidling. Eit tydeleg mål er at me gjennom å ta i bruk metoden for å strukturera og profesjonalisera rolla vår som formidlarar.

Å lære seg, utvikle og ta i bruk nye metodar er ressurskrevjande. Støtte frå Bibliotekutvikling vil gjere det mogeleg for oss å sette inn vikar slik at det blir opning for at bibliotektilsette får arbeide med dette utviklingsarbeidet i fellesskap.

Og når me her seier formidling, så meiner me all formidling. Både ein-til-ein møte med biblioteksbesøkande, i formidling til grupper, barnehageborn og skuleelevar. Og i all digital formidling på heimesider, i sosiale medier og i podkasten vår. Ein viktig del av prosjektet vil også vere å nå ut til dei me ikkje når ut til i dag.

Me deler inn prosjektet i ulike fasar:

Første fase – Læring
Me set av tid og frikjøper alt personale ein time i veka i 12 veker der me saman arbeider og lærer metoden, med kurs og praktiske øvingar. Me arrangerer også eit halvdagsseminar/arbeidsmøte der me inviterer ressurspersonar som har arbeidd med metoden til å dele erfaringar og tips via teams.

Andre fase – Praksis
Lesersørvis har no blitt vårt verktøy, vår måte å snakke om innhaldet i samlingane våre på. Me vil i denne fasen bruke den aktivt til å formidle til dei som allereie brukar biblioteket, er innom heimesidene våre, følgjer oss i sosiale media eller lyttar til podkasten. Me arbeider saman om å bruke metoden til å lage innhald til digitale plattformar.

Tredje fase – Utettervend
I denne fasen skal me bruke metoden til å nå dei som ikkje kjenner oss. Her vil bibliotektilsette samarbeide med og oppsøke lokale verksemder/organisasjonar og drive formidling til tilsette, til dømes som ein oppsøkande litterær lunsj. Me har som mål at me skal ha tre slike i løpet av prosjektperioden. Me vil også lansere ei vekentleg/månadleg spalte i lokalavisa, her vil me ha som mål å lage fem spalter i løpet av prosjektperioden. I tillegg vil me lage ein flygebrevkampanje med qr-kode til eit digitalt nyhendebrev der me nyttar Lesersørvis som metode til å formidle innhaldet i samlingane våre.

Plan for vidareføring av prosjektet etter endt prosjektperiode: Bibliotektilsette har gjennom året med arbeida i prosjektet og fått erfaring og kompetanse i bruk lesersørvis som metode i formidlingsarbeidet. Metoden er innarbeida og er ein del av korleis me til dagleg arbeider med og har fokus på formidling.